依賴牧者　活動主導

本港福音派教會信徒普遍依賴牧者牧養，在信徒成長一事上較少權力和主動性。這造成一個錯覺：牧養只是牧者同工的責任，信徒只等屬靈餵食。

另一方面，教會咁多事工往往都以搞program為本，「搞到活動就係履行使命」，令牧者信徒匱力於進行一個又一個活動，但有時花費人力之餘又未臻使命。

成為KOL　活化你的小組

信徒都可成為小領袖！

如果你有感動，就可以搵埋志同道合嘅朋友，一齊開新組。相交又得，一齊追求成長、做使命行動亦得！

小組最緊要係大家夾得嚟，唔駛太多人，可以有同工亦可以冇同工，重點係組員都能夠好好適應，喺個群體裏面同行成長。

牧者會喺呢個過程配合大家，更新你哋嘅小組。Get empowered!

搵定位　求成長

大家開得新組，或者改革舊有小組，實有d嘢想做嘅，大家好好傾吓個定位啦！大家係最想相交，定係有信仰input，抑或有團火做d野——不論係敬拜隊、網絡事工、定社宣？

小組幾耐開一次組、組長係邊個、要唔要牧者落組、叫咩名、搞咩活動… 通通都由組員們一齊自行決定！

記得：小組最終目的，唔係想令你勞累事奉，而係享受團契，幫助你在恩典中漸趨成熟(mature)。如果小組喺某個時間，大家覺得要轉型、分拆、甚至結束，冇話唔得；自己開嘅組自己負責~

成熟嘅組員
ready就隨時可以做KOL啦！

小組如果健康發展，能夠幫助組員成長。組員自己都可以成為一個KOL，邊個話唔得架！

呢個就係基督身體當中不同肢體互相empower，將你所領受嘅異象同其他弟兄姊妹分享。

信徒皆祭司

新生態最終就係想實踐呢樣野：信徒皆祭司！

信徒可以互相牧養，活出召命，有人同行相伴，彼此補全成就。

成熟健康的基督教會，不就應是如此嗎？